IKT-en inguruan

IKT-em inguruan galdera batzuk egin dizkiegu gure ikastetxeko andereñoei. Horrela eskola honetako IKT-en erabilpenaren inguruan zertxobait gehiago jakin ahal izan dugu. La Salle-Legazpi ikastetxean lau ikaskide gaude praktiketatan eta horregatik denon artean egin dizkiegu galderak, azken galdera izan ezik, bakoitzak bere tutoreari egin diona. 

Hemen dituzue galderak eta euren erantzunak:

1. Nola lantzen dira informazio eta komunikaziozko teknologiak?

-Gela bakoitzean: ordenagailua dago, irrati kaseta,
-Gela batean: proiektorea dago zine saioak egiteko, CREA egiteko, SENSOR egiteko. Baita ere telebista bat dago, baina proiektorea dagoenetik ez da erabiltzen.
-Irakasleek informazioa bilatzeko, materiala osatzeko, erabiltzen dute internet.
-Behar izanez gero, eskolako liburutegian arbel digitala dago, nahiz eta haur hezkuntzan ez duten erabiltzen.

2. Zer nolako materiala erabiltzen dute?

-Ttanto, Txirritx, Xango, hauek Urtxintxa barnekoak dira): CD bat daukate, eta bertan ipuinak, jolasak, abestiak eta antzekoak daude.
-Pirritx, Porrotx eta Marimototx: bideoak, abestiak, ipuinak, jolasak
-Ingeleseko bideoak: Nursery Rhymes eta youtubetik hartutako bideo ezberdinak.
-Hizkuntza lantzeko bideoak: batez ere euskara eta ingelesa. “Haurrak euskalduntzen bideoaren bidez” euskara lantzeko (Xabier Leterenak)
-Bitxitarrak: fitxa liburuak, osagarriak, plantillak egin ahal  izateko, ipuinak, … (denetatik erabiltzen dute).
- Sorgin Xarmangarria

3. Internet erabiltzen da? Zertarako?

Irakasleek bakarrik erabiltzen dute:
-Materiala osatzeko marrazkiekin, argazkiekin, informazioarekin, …
Adibideak: Picassa Web, Maestra infantil
(picasaweb.google.com) honen bidez, maestra infantilen aldizkaria lortzen dute.

4. Parte hartzen dute IKTko proiekturen batean? Zein da eta zertan datza?

IKT taldea osatzen ari da, geroz eta funtzio gehiago webaren bidez egiteko asmoz eta teknologiak geletan etorkizunean gehiago sartzeko asmoarekin. Gaur egun, Sallenet. web orriaren bidez familiei notak helarazteko eta eskolako informazioa bertatik eskaintzeko erabiltzen dute.

5.Nola lotzen da metodologia IKTarekin?

Askotan erabiltzen dute gelan ematen diren jardueren osagarri moduan. Adibideak: “etxea” gaia lantzen ari badira, etxearen inguruko bideoak ikustera joaten dira, hiru txerritxoena, zazpi antxumeena, eta antzekoak.
Denbora pasa bezala ere erabiltzen dute: zaintzan daudenean, bazkaltzera joan aurretik, esaterako, proiektorean bideoak eta pelikulak jartzen zaizkie.

6. Zerbait berezia egiten da sormena lantzeko teknologiarekin? Zer eta nola?

Egia esan, sormena dezente lantzen da geletan, baina teknologiarekin ez. Sormena lantzeko programa ezberdinak daude, CREA bezalakoak, baina teknologien erabilera ez dago gelako dinamiketan sartuta. Esan digute, gustatuko litzaiekeela etorkizunean arbel digitala izatea haur hezkuntzan, bertan marrazkiak denon artean egiteko eta gordetzeko, eta berriro ere erabiltzeko.
Xango bezalako CDtan eskaintzen dira programak, ordenagailu bidezko programekin marrazkiak egiteko.

7. Zertarako erabiltzen da bideoa eta nola?

Lehen esan dugun bezala, hizkuntzak lantzeko eta haurrak hizkuntza hauek entzutera ohitzeko erabiltzen dira; batez ere, euskara eta ingelera lantzeko.

8. Proiektu telematiko batean parte hartzen al dute?

Orain arte ez dute parte hartu honelako proiektuetan.

9. Zerbait egiten al da kritikotasun alderdia lantzeko teknologiaren aurrean?

Ez da honelakorik lantzen, haurrak ez baitituzte teknologiak gelan erabiltzen, gelako ordenagailuaz aparte.

10.Zer nolako galderak planteatzen diote gurasoek zure gelako irakasleari IKTri buruz?

Gurasoak tutoretza saioetan egiten dituzte galdera hauek, eta batez ere , materialei buruz eta hauen egokitasunari buruz.
Galderarik ohikoenak:

-          Zenbat denbora pasatu beharko lukete haurrek telebista eta ordenagailu aurrean?

-          Zeintzuk dira programarik egokienak ?

-          Nola dakigu ondo erabiltzen dituztela?

11. Aholkua eskatzen diote irakasleari ? Zertaz ?

Bai, aurreko galderan azaldu dugun bezala.

12. Nola egin du gelako irakasleak bere prestakuntza IKT-ko arloan? Bere kabuz? Ikastaro batean? Eskolan?

Ikastexte honetako beste irakasle guztiek bezala, orain dela bi urte IT txartela atera zuen. Hau lortu ahal izateko bere kabuz ikasi zuen  baina azterketa irakasle guztiei batera egin zieten eskolan.

AZAROAK 25, OSTIRALA

AZKEN EGUNA...

Gaur azaroak 25, ostirala, praktiketako azken eguna izan da. Behintzat gaur hobeto nengoen eta klasera joan ahal izan naiz. Klasea normal hasi da, beste egunetan bezala: "Ulises" egin dugu eta gero ipuin bat irakurri die. Baina haurrak bazekiten gaur banindoala eta denbora guztian esaten zidaten ez joateko mesedez. Ni, egia esan, ez nintzateke joango, baina orain lanera bueltatu behar gara eta horrela hemendik urte batzuetara irakasle izango gara. 

Goizeko azken orduan, jolas ordutik bueltan, marrazkiak egin dizkidate gelako ume guztiak. Asko poztu naiz ta orain hemen daukat bakoitzaren oparitxo bat, horrela beti gogoratuko naiz beraietaz. Hau da egin didaten marrazki liburuko lehen orria. Ilusio handia egin dit eta betirako gordko dut.

Gero arratsaldean nik sorpresatxo bat eraman diet haurrei: galletak eta globoak. Poltsa batean eraman ditut eta armairu gainean jarri ditut. Denek jakin nahi zuten zer zen eta aulkietan igo dira ilusten saiatzeko. Baina ez dute ezer ikusi eta klase lan batzuk egin arte itxoin behar izan dute sorpresatxoa ikusteko. Ilaran jarri dira eta bakoitzak muxu bat eman dit nik galletak banatzen nizkien bitartean.

Umeak etxera joatean irakasleekin elkartu gara beraiek ere guretzako sorpresa bat baitzuten. Aurrekoan gelan ateratako argazki bat oparitu digute "diploma" batekin. Hemen kus dezakezue:

Orain oso triste nago, baina behintzat beraien oroitzapen asko dauzkat. Gainera espero dut azkar bisitan joan ahal izatea. Josunek esan didan bezala, lan honek asko nekatzen du, baina haurrek eskeintzen duten maitasuna oso baerasgarria da. Horregatik nere helburua irakasle izatea da.

AZAROAK 24,OSTEGUNA

ETXEAN GAIXO :(

Gaur goizean klasera joan naiz hasiera batean baina gaizotu eta etxera joan beharra izan dut jolas orduan. Pena handiarekin joan naiz, gaurko eguna eta biharkoa baino ez zaizkidalako geratzen. 

Bihar espero dut ondo egotea klasera joateko gogo handia baitaukat. Bihar praktiketako azken eguna da eta haurrei agur esan beharo diet. Pena handia ematen dit baina oso gustora egon naiz hilabete eta aso ikasi dut. 

besterik gabe, BIHARRARTE!!!!!

AZAROAK 23, ASTEAZKENA

PIRRITX ETA PORROTX-EKIN DANTZAN

Gaur goizean "SENSOR" egin dugu. Astean bitan egiten dugu normalean eta astean behin sensor eta gero bideo bat jartzen diegu haurrei.

"SENSOR", beste batean azaldu nuen bezala, irudi bat eta bere izena erlazionatu eta ikasteko erabiltzen da. Haurrei gustatzen zaie jarduera hau egitea nahiz eta gero ez diren oso adi egoten.  Baina gaurko momentu onena "SENSOR" eta gero etorri da.

Esan dudan bezala bideo bat jartzen diegu astean behin. Gaurkoan "Pirritx eta Porrotx piraten dvd-a jarri diegu. Dvd honetan abesti desberdinak aurki ditzakegu etaa denen artean erabakitako bat jarri dugu lehendabizi. Gero andereño Josune lan bat egitera joan da eta ni bakarrik geratu naiz beraiekin, abesti desberdinak entzuten genituen bitartean. denbora bat pasata haurrak, hasiera batean lurrean eserita zeudenak,  altxatzen  joan dira eta dantzan hasi dira. Ni ere azkenean animatu naiz eta eurekin dantzan hasi naiz. Amaieran denon artean ilaraluze bat egin dugu eta gela guztian zehar dantzatu gara.

Oso ondo pasa dut eta beraiengandik oso gertu sentitu naiz. Aitortu beharra daukat niri ere Pirritx eta Porrotxen dvd-ak izugarri gustatzen zaizkidala. 

Horrelako momentuetan denbora guztiz aprobetxatzen ari naizela sentitzen dut. Jada bi egun bakarrik geratzen zaizikigu. aste hau besteak baino azkarrago pasatzen ari zait, nahiz eta alderantziz izatea gustatuko litzaidakeen. 

Bi egun hauek al dudan hoberen pasatzen saiatuko naiz.


Hemen beheran uzten dizuet gaur entzundako abestietako bat.

Biarrate lagunok!!!

AZAROAK 22, ASTEARTEA

PSIKOMOTRIZITATEAN DANTZAN

Atzo astearte eta osetgun guztetan bezala psikomotrizitateko klasea izan genuen lehen orduan. Haurrei klasea hau asko gustatzen zaie eta niri ere bai, oso entretenigarria baita.

Atzokoan zirkuitu bat egin genuen, espumazko pieza desberdinak erabiliz. Haurrak arrastaka, piezen gainean zutik oreka mantenduz edota lau hankatan igaro behar zuten. Arazoa: istripu pare bat izan genituela, baina ez zen ezer larria izan. Gainera istripu txikiak psikomotrizitatetko klasearen parte ere badira, pertsonak eroriaz ikasten baitugu askotan. Oso garrantzitsua da erori eta gero altsatzen ikastea.

Baina zirkuituaren aurretik eta beroketa moduan dantza batzuk egin genituen. Nik eurak baino hobeto pasa nuen asko gustatzen baitzaizkit haurren kantak. Adibidez "txiki txiki txikia" kanta dantzatu genuen edota "Ran rober ran" kanta. Nola mugitzen dituzten gorputzak nire gelako umetxoak!!! Esan dudan bezala niri ere asko gustatzen zait kanta hauekin dantzan aritzea.

Hemen amaiera bezala "Ran rober ran" kanta jartzen dizuet, nere gustukoena.

Hurrengorarteee!!!

AZAROAK 21, ASTELEHENA

GABONEN ZAIN

Atzo gai berria hasi genuen. Haurrek gogo haundiz espero zuten gaia: GABONAK!!!!! denak oso pozik jarri ziren asko gustazten zaien gai bat delako. Oraindik hilabete bat geratzen da egun berezi horietarako baina haurrak jada egun horiek iristeko desiatzen daude: abestiak prestatu nahi dituzte, olentzero ikusi...

Gai hau lantzeko lehen pauso a hiztegia ikustea izan zen. Piñu, olentzero, Noel, mahaspasa eta antzeko hitzak landu genituen hiztegian. Eta gero gabonetako ipuina irakurri zien: Mari Domingi. Nik ere ez nuen ipuin hau ezagutzen eta asko gustatu zitzaidan. Haurrak ere inoiz baino arreta handiagoz entzun zuten ipuina, olentzero tartean baitago. Egunero ume guztiak lehoitik begira aurkitzen ditut, olentzero ikusteko zain. Guk bergira begira dagoela esaten diegu, eta ondo portatuz gero oparitxo asko ekarriko dizkiela. Eta oso baliagarria da, bestetan baino langileago daude eta. Laister gabonetako abestiak ensaiatzen hasiko dira baina ni zoritxarrez ezingo naiz bertan egon.

Atzoko eguna zenbakiak eta bokalak errepasatzeko ere erabili genuen. Arbelaren zati batean pilota bat marraztu genuen, beste batean bi piñu eta hirugarren zati batean hiru mahaspasa. Haurrek zati bakoitzean zegokien zenbakia idatzi behar zuten. Batzuk beste batzuk baino erreztasun handiagoa dute baina urtean zehar asko ikasiko dute.

Bokalak ikasterako orduan, "i" bokala ikastea tokatu zitzaien. Horretarako andereñoak lurrean borobil bat egin zien eta haur bakoitzari bokal bat zuen txarteltxo bat banatu zien. Bakoitzak "i" bokala zen edo ez jakin behar zuen. "i" baldin bazen borobilean sartu behar zuten eta bestela kanpoan jarri.

Azkeneko asteko lehen eguna izan zen atzokoa eta egunak poliki-poliki pasatzea nahi dut. Ez dut ostirala iristea nahi. Momentu guztiak aprobetxatzen saiatzen naia eta haurrekin al dudan hoberena pasatzen. Ez dut praktikak amaitzea nahi!!!

EZ DAKIT!!!

Kaixo denoi,

Jone naiz eta aurten, jada denok dakizuen bezala, La Salle-Legazpi ikastetxean nago andereño izaten ikasteko asmoz. Lau urteko haurren gela batean nago.  Gela hau 24 haurrez osatua dago, 12 neskez eta 12 mutilez. Oso giro ona duen gela da eta orokorrean oso harreman ona dute denen artean. Liskarrak ere sarriak dira baina adin honetako umeen ohiko liskar txikiak dira eta segituan ahazten zaizkie.

Praktikatan azaroan hasi gara. Honek alde on bat eta alde txar bar duela esan dezaket. Alde ona, hasi ginenerako jada haur guztiak egokituta daudela da. Haurrak eskolara lasai joaten dira, nahiz eta batzuk egunaren arabera botatzen diote faltan amari. Alde txarra, haur bakoitza ezagutzeko denbora gehiago behar dela. Gehiago kostatzen da haur bat benetan nolakoa den jakitea eta bere egoera benetan nolakoa den ezagutzea.

Nik kontatuko dizuedan egoerak hasieran ez zidan atentzioa gehiegi deitzen, baina denborarekin garrantzi gehiago ematen joan naiz. Nik al dudan moduan saiatuko naiz egoera hau azaltzen.

Badago nire gelan haur bat hasiera batetik nirekin konfiantza handia hartu zuena. Lehenengo egunetik ondo-ondoan nuen denbora guztian: eskutik heltzen zidan, muxuak ematen zizkidan, …  Jolas garaian ere denbora guztian nire alboan nuen eta gelan ere nire ondoan eseri nahi zuen denbora guztian. Nik gustuko nuen bere jarrera, nirekin gustura zegoela uste nuelako eta horrek ni asko animatzen ninduen.

Goizetan klasera etortzen zenean eta mantala jarri behar zuenean laguntza eskatzen zidan, ez zekielako mantala jartzen eta botoiak lotzen. Nik oso gustura laguntzen nion. Honetaz gain txokoetan lanak egiterakoan ere edozertarako laguntza eskatzen zuen. Nik esan dudan bezala dudarik gabe laguntzen nion. Baina egun batean andereñoak nirekin jolasten zuela esan zidan. Ni berria nintzen eta ez nuen haur hori lehendik ezagutzen. Botoiak lotzen zekizkiela esan zidan eta berak bakarrik gauza asko egiten zekizkiela. Baina nire atentzioa deitzeko laguntza eskatzen zidan eta nik ezezkorik ematen ez nionez aurrera jarraitu nuen.

Hau jakinda bere jarrera behatzea erabaki nuen. Laguntza eskatzen zidanean berak bakarrik egin behar zuela esaten hasi nintzen. Orduan konturatu nintzen andereñoak esandako guztia egia zela eta lehen ondo egiteko laguntza behar zuen gauzak, bakarrik egiten zekizkiela. Hori bai, oraindik ere ez du saiatzeari utzi eta ahal suen guztietan laguntza eskatzen jarraitzen du.

Jarraian lanak egiterakoan duen jarrera azalduko dizuet. Asko kostatzen zaio lanean jartzea eta jartzen denean oso poliki egiten ditu eta gogo gutxiz. Askotan besteak jolas-ordura atera eta ni berarekin geratu beharra izan dut lanak amaitu arte. Horrelakoetan negarrez bukatzen du. Oso ume mugitua da eta asko kostatzen zaio lekuan geldi egotea,bai lanak egiterakoan baita irakaslea zerbait esaten ari denean ere.

Hau da haur honen inguruan eman dezakedan deskribapena. Gelan hasi nintzenetik orain arte ikusi dudana kontatzen dizuet ideia bat egin dezazuen. Ni gu manipulatzeko ohitura handia duela konturatu naiz, batez ere nolakoa den ez dakien jendearekin. Nirekin hori egiten saiatu zen eta hasiera batean bere helburua lortzen zuen nik ezagutzen ez bainuen. Honetaz gain oso ume jator eta maitekorra da eta aitortu behar dut benetan gogoa jartzen duenean lanak oso ondo egiten dituela.

Aipatu nahi dut amaitzeko agian etxetik dakarren ohitura bat dela. Egunero gelako ateraino laguntzen diote gurasoek eta beraiek jartzen diote mantala nahiz eta badakiten bakarrik egiten dakiela. Andereñoak askotan esan die bakarrik egiten uzteko bana normalean beraien semearen tranpan erortzen dira. Honekin ez dut esan nahi euren errua denik, ezta haurrarena ere. Nire ustez babestuegi dute euren semea baina jarrera hau ulergarria egiten zait, ni ere ama izango banintz agian horrela jokatuko nuke.

Hau guztia esanda zuen iritzia ematea eskertuko nuke: Zuek irakaslearen paperean jarrita zer egingo zenukete? Eta honetaz gain, nola egingo zenukete andereñoaren lana eta gurasoen lana batera joateko? Nire ustez zailena ez da arazoari konponbidea bilatzea, baizik eta guraso eta irakaslearen lana bateratzea. Horregatik batez ere horren inguruko iritzia eskatuko nizueke.

Eskerrik asko!!!

EGOERA BERRIEI BELDUR NAIZ

Orain dela bi aste sukaldaritza izan genuen dakizuen bezala. Haurrentzako hau oso esperintzia ona izan zen eta egun hori espero zuten gogo biziz. Egunero galdetzen zuten noiz iritsiko zen eguna eta gehenek mantala ekarri zuten gelera, janaria prestatzeko desiratzen baitzeuden.

Baina denek gogo berdina al zuten egun hori iristeko? Denek ez. asko harritu zitzaidan egun horretan haur bat baino gehiago gelara negarrez etorri zela amarekin geratu nahi zutela esanez. Normalean adin honetan jada ez dute gelan geratzeko arazorik izaten eta horregat harritu ninduen bapatean egun horretan haur batzuk negarrez ikustea. 

Baina egun hori ez zen beste egun normal bat, egun hori sukaldaritza eguna zen. Kasualitate handiegia zen egun hori izatea eta egoera hori ematea. Orduan esan zidan andereñoak haur horiek egun horren aurrean beldurtu egiten zirela. Jateko arraroak diren haurrak ziren eta horregatik izan zuten jarrera hori. 

Geroago ere, prestatutakoa jateko momentua iritsi zenean, berriz ere haur horiek amarekin joan nahi zutela esan ziguten eta orduan konturatu nintzen ni ere gertatzen zenaz. Guk ez genien jatera behartzen, baina eurak gustoko ez zutela esan beharrean era horretan erreakzionatu zuten: amarekin joan nahi zutela esanez eta negar eginez. Kasualitatez haur horiek gelako egoera normalean ere nahiko itxiak dira eta asko kostatzen zaie euren sentimenduak adieraztea. Beste egoera batzuetan ere horrela errakzionatzen ikusi ditut. Adibidez, lan bat ateratzen ez zaienean laguntza eskaru beharrean negar egiten dute. 

Baina horrelako egoeren aurrean zer egin dezakegu? Zer egin  andereño bezala haur horiei konfiantza emateko? Zer egin  haur horiek euren sentimenduak azaltzeko erreztasuna izan dezaten?

3. ASTEKO HAUSNARKETA

GEROZ ETA GUSTORAGO...

Hirugarren astea ez zen bigarrenaren oso desberdina izan, baina haur batzuk gehiago ezagutzeko aukera izan nuen. Bazeuden nirekin konfiantza gutxiago zuten haurrak, gehiago kostatzen zitzaielako niregana hurbiltzea. Baina nik ere saiakera berezi bat egin nuen ume horiekin, nirekiko konfidantza irabaz zezaten.

Honetaz gain aste honetan jarduera desberdinak ikusteko aukera izan nuen: klasean gaitasunak lantzeko egiten diren ariketa desberdinak esaterako. Eta honetaz gan aste honetan ere sukaldaritza eguna egin genuen eta hau haurrei gerturatzeko eta bakoitzaren beldurrak hobeto ezagutzeko balio izan zidan.

Nire buruarekin oso gustura sentitzen naiz. Lan asko egiten ari naizela uste dut eta gauzak ondo egiten saiatzen naiz. Nire tutorak egiten duena arretaz behatzen dut, beregandik ikasteko. Nire ustetan berak gauzak nahiko ondo egten ditu eta oso metodo onak erabiltzen dituela iruditzen zait eta hori haurrek dioten maitasunean.

Oso aukera ona da guretzako praktikak egin ahal izatea eta bost aste hauetan ahaik eta gehien ikasten saiatzen ari naiz.

AZAROAK 18, OSTIRALA

ANTZERKIA

ETXEA gaia lantzeko askotan irakurri die Josuenk zazpi antxumeen ipuina eta aurrekoan horren inguruko antzerki bat egitea pentsatu genuen. Horretarako aurreko egunean zazpi antxumeen eta otsoaren karetak prestatu genituen. Oso polittak geratu zitzaizkigun. 

Ostiralean antzerkia martxan jarri genuen. Hiru aldiz egin genuen denek parte har zezaten. Bakoitzari paper bat eskeini genion, nahiz eta zaila egin zen askok nahi baitzuten otsoa izan. 

Andereñoak ipuina orakurri zuen, narratzaile papera egin zuen eta haurrek zegokien esaldiak esan behar zituzten. Azken antzerkia hobeto atera zen, jada haurrek bazekitelako hobeto egin behar zutena. 

Oso ondo pasa genuen denok, asko gustatzen zaie antzerkiak egitea eta astea bukatzeko era ezin hobea izan zen.

Honetaz gain, gure gelakide baten urtebetzea izan zen eta denok batera ospatu genuen eta berak gogo biziz itzali zituen kandelak, eskatu zuen desira betetzeko asmoz. 

AZAROAK 17, OSTEGUNA

HOSTO FESTA

Ostegun arratsaldean hosto festa ospatu genuen. Ospakizun hau udazkena ospatzeko antolatzen dute eta protagonista nagusiak hostoak izan ziren.

Frontoiean egun askotan bildutako hostoak pilatu genituen. Bertara atera ginen 4 urteko bi gelak eta ume guztiak korrika joan ziren hostoekin jolastera, VIVALDI-ren udazkena entzuten zen bitartean. 

han hostoak botatzen dizkiote bata besteari eta oso ondo pasatzen dute. Hasieran ni argazkiak ateratzen ibili nintzen baina gero barrura sartzera animatu nintzen. Azkenean haurrak baino hobeto pasa nuen. Hori bai hostoz beteta amaitu nuen.

Oso ondo pasa genuen denok eta naturak eskeintzen dizkigun gauzaz gozatzeko oso modu ona iruditu zitzaidan. Hemen azpian dituzue argazki batzuk ideia bat egiteko.

AZAROAK 16, ASTEAZKENA

Nere lehen ipuin kontaketa

gaur lehenengo aldiz ipuina kontau dut. Zazpi antxumeen ipuina izan da haurrei kontatu diedana. Andereño Josune dei bat egitera joan eta ipuina kontzeko eskatu dit. bapatean harrapatu dit eta hasieran urduri jarri naiz. "IPUINA!!!!! NOLA???" pentsatu dut. Baina haurra niri adi-adi begira nituela  konturatzean irakurtzen hasi naiz bi aldiz pentsatu gabe. 

Azkenean konturatzerako ipuina irakurrita neukan eta bastante ondo egin dudala uste dut. Hoberena... askotan pentsatu gabe egitea. Bapateko gauza izateak lagundu egin dit. Oso esperintzia ona izan eta hurrengoa jada ez da lehenengo aldia izango eta lasaiago egingo dut. Haurrak ere gustura egon direla uste dut.

Bakoizatren sentimenduak lantzen

Gaur goizean "HARA"-ko beste jarduera bat egin dugu. Honen helburuak gorputza erlaxatzen ikastea, behin erlaxatuta gaudenean gure barne bizitza sortzen dela sentitzea eta gero hori marrazki batean adierazi ahal izatea dira.

Jarduera hauek taldean egiten ditugu eta leku gehiago dagoela eta, ingeleseko gelara joan gara. Bertan haurrak lurrean etzan dira begiak itxita, buruz gora edo buruz behera. Bitartean Aladinen ipuina kontatuko diegu. Ipuin hau kontatuko diegu. Amaitutakoan, ikasleek Aladin direla imaginatu dute eta alfombra magikoan bidaiatzen zutela, zoriontsuak izan diren toki batera.

Ondoren borobilean eseri eta bakoitza non egon den eta nola sentitu den kontau digu. Eta gero ikasle bakoitzak paper batean margotu du egin duen bidaia. Batzuk hondartzara joan dira, beste batzuk anoetara, besteak ilargira bidaiatu dute...

Bidaia marrazten

Bihar jada osteguna eta ez dut astea bukatzeko gogorik. Aste hau amaitzean beste aste bat bakarrik geratuko zait eta. Baina oraindik aste batean esperintzia asko bizitzeko astia izango dugu.

Biarrarte!!!!!!

LA SALLE-KO LELOA

La Salle-k ere badu bere leloa eta noizean behin andereñoak haurrei jarzten die entzuteko. Hauek letra oso ondo dakite eta oso gustuko dute abestia. Ni ere egunero abestia buruan dudala joaten naiz etxera.


Hemen duzue leloaren partitura eta letra.

AZAROAK 15, ASTEARTEA

Ipuin kontalaria!!!!!!!

Atzo, goizeko bederatziak eta  erdietan, ipuin kontalari bat etorri zen eskolara. Ingeleseko gelan elkartu ginen lau urteko haur guztiak eta isil-isilik geratu ginen, ipuina entzuteko zai.

Bi ipuin labur kontatu zizkigun. Biak hortzak garbitzearen garrantziaz itz egiten zuten. Lehenengoan haur bat zen protagonista eta hortzak bai pertsonentzat eta baita  animalientzat ere zeinen garrantzitsuak diren kontatu zigun. Bigarren ipuinean dentista zen otso baten abenturak kontatu zizkigun. haurrak gustora egon ziren hasiera batean, baina denborarekin aspertzen hasi ziren eta geldi mantentzea kostatu zitzaigun. Baina saioaren amaieran haurrentzako oparitxo bat zuten prestatuta: poltsa bat, eta poltsaren barruan, hortzak garbitzeko produktuak, hortzen zainketaren inguruko ipuin bat, sagar bat... Umeak pozez zoratzen bueltatu ziren gelara (eta gu ere).

La Salle ikastetxearen ideologia dela eta, geletan noizean behin erlijioa lantzeko jarduerak egiten ditugu. Erlijio landu baino baloreak lantzen dituzte honen bitartez. Horretarako astean behin edo andereñoak ipuin bat kontatzen die, zeinaren helburua balore bat trasmititzea den. Atzoko egunean hau egitea tokatu zitzaigun. Honetaz gain bibliako pasarte txikitxo bat ere kontatu zen eta abesti bat ere entzun genuen. Normalean momentuko gaiarekin zerikusia du. 

Honetaz aparte, batzuetan txokoetan lanean ari garenean, andereñok orri bat banatzen die non  bost egoera desberdinen marrazkiak agertzen diren. Haurrak egoera horietatk egokiak direnak eta ez direnen artean bereiztu behar dute. Esaterako, Bi lagun joka egoera desegokia eta bi lagun besarkatzen egoera egokia.

Egun bat gutxiago... 

LEHENENGO ALDIZ PRATIKATAN

Nire lehen praktikak. Nire lehen esperientzia irakasle bezala. Nire lehen mantala…

Gure lehen esperientzia bizitzen ari gara egun hauetan irakasle bezala. Askok, beldur handiarekin hasiko genuen abentura hau eta oraindik batzuetan beldurra sentituko dugu hainbat egoera berrien aurrean. Hori baitakar pertsonekin lan egiteak, egun guztiak desberdinak izan daitezkeela. Horregatik, nahiz eta askotan uste dugun jada dena ikusi dugula, beti topa gaitezke zerbait berriarekin. Honek beldurra sor dezake guregan baina egun bakoitza berezia izatea egiten du.

Marrazkian zein egoera islatu pentsatzen jarri nintzenean, dudak baino ez zitzaizkidan burura etorri. Milaka dira klasean bizi ditugun egoerak eta bat bera ez da bestea baino garrantzitsuagoa. Baina azkenean “Ulises” egiten dugun momentua marraztu nuen.

Egunero ekintza honekin hasten dugu eguna. Egoera asko bizi ditugu egunero eta hau ez da beste batzuk baino garrantzitsuagoa, baina nik bakarrik, andereño bezala egin nuen lehen lana da. Lehenengo egunetan Josunek egiteko aukera eman zidan eta agian horregatik niretzat momentu honek xarma berezia du. Esan dudan bezala egunero lehen orduan egiten dugun zerbait da eta marrazkian bezala kokatzen gara: arduraduna, Josune eta ni zutik eta beste haur guztiak lurrean eserita guri begira. Andereñoak fitxak erakusten dizkien bitartean, atzean dauden esaldiak irakurtzen ditu (zeinak fitxan ikusten den irudiaren inguruko informazioa ematen duen). Beraiek adi-adi entzun behar dute.

Praktika hauek hainbat sentimendu sortu ditu niregan: beldurra, poza, maitasuna eta pena (geroz eta gehiago). Haurrak oso tratu ona dute nirekin. Nire gelako pareta estaltzeko adina marrazkia egin dizkidate. Eta nik ere asko maite ditut eurak. Batzuetan lortu dute ni urduri jartzea baina lasaitzea lortzen dut eta egoera zailetan aurrera egitea lortu dut. Konturatu naiz pertsonekin lan egitea ez dela erraza, bakoitza oso desberdina delako eta ezin delako denekin berdin jokatu. Zaila da ahur bakoitza ezagutzea, bakoitzaren izaera eta egoera oso desberdina delako. Baina bere alde ona ere badauka: haur bakoitzak ematen didan besarkada bakoitzak nire lana zoragarria dela konturatzeko balio didalako.

Esperientzia hau oso baliagarria izango zaigula argi daukat. Ikasteko baliogarriena praktika dela pentsatzen dut. Klasean ikasten dugun teoria egoera desberdinetan nola jokatu jakiteko erabilgarria da. Baina egoera horiek pertsonalki bizitzen ez baditugu ez dugu jakingo nola aplikatu teoria errealitatean. Gainera teoria normalean oso orokorra da eta ez du kontutan hartzen haur bakoitzaren egoera.

Asko eskertzen dut praktikak egiteko aukera eman izana, Konturatzen bainaiz, karrera amaitu eta lanean sartzean oso zaila egingo zitzaigula. Horrela benetan andereño izateko momentua iristen zaigunean, egoerari aurre egiten jakingo dugu.

Irakaslea izatea erabaki nuenean hanka sartu ez nuela konturatzeko balio izan dit esperientzia honek. Zein zoragarria den konturatzeko. Haurrekin lan egitea zeinen aberasgarria den konturatzeko.

AZAROAK 14, ASTELEHENA

Zenbakiak ikasten...

gaurko eginkizun nagusienetakoa, zenbakiak lantzea izan da. Goizeko lehen orduan andereño Josunek zenbakiak dituzten fitza batzuk atera ditu. Lehenengo zenbaki horiek banatzen dizkie ikasleei eta hauek lurrean jarri behar dituzte ordenean. Hau egin ondoren, ikasleak banaka altxatu eskilerak igo edo jetsi behar dituzte. Hau da, eskailerak igo edo zenbakiak 0-tik 10-erako ordenean gailetin pasatu behar dira; eskailerak jeitsi edo zenbakiak 10-etik 0-rako ordenean.

Zenabiak ikasiko ditugu

"0, 1, 2, 3, 4, 5, 6, 7, 8, 9, 10"

" 10, 9, 8, 7, 6, 5, 4, 3, 2, 1, 0"

Gero goizaren amaieran eta arratsaldeko lehen unean, ariketa bat egin dugu, zeinaren helburua irudiak identifikatzea eta bereiztea  zen. Horretarako andereñoak antzekoak edo berdinak diren irudiak erakusten dizkie eta beraiek desberdintasun bat aurkitu edo desberdin izateko aldaketaren bat egin behar dute.

Lehenengo adibidean, 4 gezi berdin ikus ditzakegu. Lau geziak berdinak direla argi dago eta haurrek desberdintasun batlortu behar zuten. Asko pentsatu ondoren eta laguntzarekin gezi bakoitza norabide desberdin batean kokatu dugu. Horrela desberdintasuna gezien kokapena zen.

Bigarren adibidean tamaina berdineko zortzi borobil ikus ditzakegu. Lau borobil hori koloreak dira eta beste laurak kolore desberdinetakoak. Denak desberdinak izan zitezen lortzeko hiru hori kendu ditugu eta horrela kolore desberdineko borobilak utzi ditugu bakarrik lurrean. 

Gaurkoa astelehen lasaia izan da baina nik oso nekatuta amaitu dut. Jolas ordu guztia harrapaketatan edo futbolean jolastera behartzen naute eta eurak nekatzen ez direla badirudi ere, ni behitzat pott eginda amaitzen dut. 

Beraz orain deskantsatzera, 

Biarrateee!!!!

TXOKOETAN

Egunero aipatzen dudan bezala, goiz eta arratsaldetan haurrak txokoetan banatzen dira ariketak egiteko. Goizean txoko batean egoten dira eta arratsaldetan beste batean. Horrela bi egunetan denak txoko guztietatik pasa dira, lau txoko baitaude.

1.- Etxe txokoa

Txoko hau etxe itxura duen gelako atal bat da. Bertan haurrek jolastu egiten dute. Txoko honetan batez ere jolas sinbolikoa ikusiko dugu, helduei ikusten dieten jarrerak eta egoerak errepikatzen baitituzte: janaria prestatu, telefonos hitz egin....

Txoko honetan ere ordenagailua dago. Bertan Txirritx-en programarekin jolasten dute: puzzleak egin ditzakete, bikoteak bilatzeko jolasak, margotzeko irudiak, ipuinak...

Batzuk ordangailuan egoten dira denbora guztia eta ez dira etxean jolasten. Beste batzuei ordenagailuak ez die atentzioa deitzen eta nahiago dute beste jolas batzuetan aritu.

 

2.- Marrazketa txokoa

Txoko honetan ariketa liburuko fitxak egoten dituzte. Batzuetan plastilinarekin egiten dituzte marrazkiak, beste batzuetan tenperaz baliatzen dira. Normalean aurrez finkatutako jarduerak egiten dituzte eta egunean eginbeharrekoa amaitzean marrazki libreak egiten uzten diete.

 

Goiko argazkian esaterako,euren familiak marraztu behar zituzten haurrak.

3.- Matematika txokoa

Txoko honetan ariketa liburuko beste fitxa bat egiten dute.Normalean geometria edo zenbaki ariketak izaten dira: karratuak eta borobilak landu; 1,2 eta 3 zenbakiekin zerikusia duten ariketak...

4.- Liburutegi txokoa

Amaitzeko liburutegi txokoa dago. Bertan liburu bereko beste fitxa bat egiten dute. Fitxa horiek normalean lantzen ari diren ipuinekin zerikusia duten ariketak izaten dira. 

 

Hauek dira gelan dauden lau txokoak. Haurrei asko gustatzen zaie txokoetako ariketak egitea. Eguna hasi orduko txokoetan egoteko momentuaren zain egoten dira. Orain andereño Josune eta ni gaudela, normalean bera txoko batez arduratzen da eta ni beste batez, baina zaila izaten haur guztiei lagundu ahal izatea.

Txokoetako ariketak egunero egiten dira. Beste jarduera batzuk alda daitezke baina hau egunero egiten diren oinarrizko gauzetako bat da.

Zein ondo  pasatzen dugun egunero txokoetan!!!